Ekipi i Fulham ka konfirmuar vdekjen e një tifozi si pasojë e një arresti kardiak në shkallët e stadiumit.
Tifozi ishte duke ndjekur ndeshjen mes Fulham kundër Blackpool, kur papritur ra në tokë. Kanë qenë tifozët e tjerë ata që po i jepnin ndihmën e parë derisa erdhi ekipi mjekësor.
Tifozët që ishin rreth tij, e mbuluan pamjen me flamuj, për të mos u kapur nga kamerat ajo që po ndodhte.
Arbitri Peter Bankes urdhëroi të dyja skuadrat të largoheshin nga fusha deri në një moment të dytë. Së fundmi, klubi tani ka bërë të ditur se tifozi i quajtur Paul Parish ka ndërruar jetë në spital.
