Modeli dhe ish-konkurrenti i ‘Big Brother VIP’, Granit Cana ka thumbuar këngëtaren Filloreta Raçi, e njohur për publikun me nofkën Fifi. Pas puthjes së saj me të dashurin Adis Patushi, ai ka ndarë një postim në Instagram ku pyet ndjekësit e tij se cili prej të dyve është ‘fake’.
“Kush është fake ose real, tani duket shumë qartë,”-shkruan Graniti në rrjetin e tij social, por nuk e përmend për asnjë moment Fifin.
Reagimi i Granitit vjen pasi gjatë kohës kur ai ishte brenda shtëpisë më të njohur në Shqipëri, Fifi shprehu hapur pëlqimin e saj ndaj tij, por më pas të dy u tërhoqën pasi modeli u rrëfye se nuk kishte ndjenja më shumë se shokë për këngëtaren. Nga ana tjetër tregoi edhe se kishte një marrëdhënie të lënë përgjysëm jashtë shtëpisë së BBV. Në atë periudhë, Graniti akuzohej nga fansat e Fifit si një njeri që dëshironte vetëm të përfitonte dhe po përdor imazhin e këngëtares.
