37 vite burg ka vendosur Gjykata e Tiranës për dy vëllezërit Saimir dhe Arsil Shera, të cilët ekzekutuan taksistin Abdulla Budlla, më 3 gusht 2021. Dy të rinjtë, njëri 33 vjeç dhe tjetri 22 vjeç u shpallën fajtore nga gjykata për vrasje me paramendim.
Avokatët mbrojtës i kërkuan gjykatës të merrte parasysh si rrethanë lehtësuese gjendjen emocionale të secilit kur ata mësuan të vërtetën se nëna e tyre kishte lidhje me taksistin.
Saimir Shera, 33 vjeç, tha në gjykatë se thashethemet që ishin hapur në fshat mes Abdulla Budllën dhe të ëmën e tij, i errësuan sytë.
“I ngjita makinës me qera frazën e urimeve në dasmë dhe i kërkova vëllait tjetër t’i jepte automjetit. E pashë Budllën në makinën e tij, dhe humba arsyen ndaj e qëllova me një armë të 1997”, tha 33-vjeçari.
Me një mjet të marrë me qira dy vëllezërit pasditen e tre gushtit mbërritën në Fushë Prezë ku Budlla punonte si taksist dhe e vranë. Vëllezërit Shera thanë se vraë 71-vjeçarin Abdulla Budllës për të ruajtur nderin e familjes, pasi viktima i ngacmonte nënën dhe motrën.
