Këngëtari shqiptar Arian Begaj është vënë në pranga nga policia greke për posedim të lëndëve narkotike. Ai është kapur bashkë me një 63-vjeçar grek dhe policia iu gjeti një kilogram hashash, një pistoletë dhe katër karikatorë të mbushur me fishekë.
Pas kontrollit të ushtruar në shtëpinë e shqiptarit, policia gjeti dhe sekuestroi një pako të mbështjell najloni me rreth 50 gramë kokainë.
Gjithashtu janë konfiskuar 9230 euro, të cilat autoritetet vlerësojnë se vijnë nga trafiku i drogës. Të dy u dërguan në Prokurorinë e Athinës, ndërsa kërkuan dhe morën afat për të kërkuar falje.
Kush është këngëtari shqiptar Arian Begaj?
Begaj 41 vjeç, është një këngëtar popullor i cili prej disa vitesh jeton dhe ushtron profesionin e tij në Artemis të Athinës. Ai këndon për shqiptarët e shtetit fqinj, ndërsa është bërë mjaft i njohur edhe për publikun grek pasi këndon në buzuket dhe lokalet e natës.
Përveç kësaj, ai është mjaft aktiv në rrjetet sociale, ku shpesh ndan me miqtë e tij online momente nga jeta e tij personale dhe profesionale.
Hetimet për dyshen kanë nisur ndërsa dyshimet e para janë se ata janë përgjegjës për trafikun e lëndëve narkotike si kokainë dhe kanabis në të gjithë Athinën.
