Champions League rikthehet sot në mbrëmje me sfida interesante dhe përplasje të forta.
Kampionët në fuqi të Europës, Chelsea sfidojnë kampionët e Francës, Lille. Skuadra e Tuchel është favoritja e padiskutueshme në këtë sfidë, por skuadra mike ka elementët e duhur për të tentuar një surprizë të pakëndshme për skuadrën londineze.
Tuchel do të ulë në stol Lukakun, i cili duket larg formës së verës dhe akoma më larg lojtarit që shpalli Interin kampion Italie.
Përballja tjetër do të jetë ajo mes Villarealit dhe Juventusit. “Nëndetësja e verdhë” kuotohet favorite sepse luan në shtëpi, por edhe për faktin se skuadra e Allegrit nuk po kalon një sezon të mirë dhe ndodhet larg pritshmërive në Seria A. Megjithatë, në Europë bardhezinjtë arritën të dilnin të parët në grupe, duke surprizuar jo pak tifozët që tani presin fitore ndaj spanjollëve dhe kalimin e grupeve.
