Nga Erald Shulla
Komisioni hetimor parlamentar, i ngritur për çështjen e tre inceneratorëve përfundoi hetimet. Politikisht kush doli më i fituar, PD zyrtare që ngriti një kauzë dhe mori vëmendjen apo mazhoranca e cila këmbëngul se “doli e fituar sepse u tha të vërtetën shqiptarëve”?
E drejtë dhe me vend pyetja juaj, sepse komisionet hetimore tek ne, në historikun e tyre më shumë i kanë shërbyer arenës dhe situatës së momentit politikë se thelbit të çështjes për të cilin ngrihet komisioni hetimor. Dhe ky jo se ishte shumë larg komisioneve të tjerë të ngritur i ngjashëm, por duhet theksuar që ky komision kishte diçka të nxehtë, sepse një ish-ministër është aktualisht i arrestuar, e këtu opozita me të drejtë shfrytëzoi nga ana politike për ta goditur politikisht qeverine. Unë mendoj që opozita fitoi, sepse opinioni publik ka përthithur që për çeshtjen e inceratorëve ka një afer korruptive. Le të themi që kjo ishte një “fitore” e opozitës.
Ka një traditë gati të pathyeshme që komisionet hetimore asnjëherë nuk kanë dalë me rezultate konkrete që ndikojnë në çështjet e veçanta për të cilat janë ngritur. A është edhe ky rasti që edhe gjetjet të përfundojnë ashtu si në rastet e mëparshme, pa asnjë ndikim?
E thashë dhe më sipër tek pyetja e parë që më bëtë, komisionet i shërbejnë interesave momentale politikës se vet drejtësisë, ky është mendimi im. Mendoj që dicka do ngeci në rrjetën e këtij komisioni, nuk është se do dali pa gjë, por jo aq sa pretendon opozita. Po të shohim përtej teatrit politik, maxhoranca do e kaloj këtë situat por jo pa i shkaktuar disa plagë.
Pavarësisht se SPAK ende nuk e ka thënë fjalën e fundit dhe çështja është nën hetim kemi një ish-ministër të arrestuar, por edhe persona të tjerë përfaqësues të mazhorancës që po merren në pyetje dhe hetohen. A ndikon kjo çështje në një lloj lëkundje të qeverisë nëse do kemi të tjera arrestime?
Padiskutim, nëse do kemi arrestime të tjera, do jetë një goditje tepër e fortë për maxhorancën. Sepse arrestimet do vinë si faktim i akuzave, dhe opozita këtë po kërkon që të ndodhi, goditjen e qeverisë. Unë mendoj nëse kjo ngjarje do sjelli fakte që ka implikime të zyrtareve, do e trondisi maxhorancën ku pak a shumë jemi 1 vit para zgjedhjeve lokale, situata ekonomike është jo e mirë dhe qytetarët kur dëgjojnë implikimin e zyrtarëve në afera korruptive në këto shuma kaq të mëdha parash, normal që jep ndikim. Por gjithsesi duhet të presim, e të shohim rrjedhjen e situatës si do shkojë.
Aktualisht kemi një konflikt ushtarak siç është ndërhyrja e Rusisë në Ukrainë. A rrezikohet që nëse lufta vijon, që të preket edhe Ballkani Përëndimor dhe rrjedhimisht edhe Shqipëria?
Unë uroj që dhe situata tashmë në gjëndje lufte në Ukrainë të zgjidhet, dhe jo të agravojë më shumë. Dihet që Rusia ka ndikim në ballkan, sidomos tek Serbët, kemi dëgjuar edhe deklarata nga zyrtarët e Rusisë ku mundohen ta lidhin situatën atje pak me Kosovën. Ne jemi anëtarë Nato-s, dhe jemi padiskutim në krahun e aleancës, çdo vendim të merret bashkarisht. Mendojë edhe pse Serbia mbështet veprimin e Rusisë, për ne nuk përbën problem dhe nuk shoh asnjë rrezik. Ajo që është për tu parë vërtet është vetëm a do cënohet “Open Balkan” nga kjo situatë. Por unë nuk shoh konflikte në ballkan.
Cfarë mbeti nga paradokset e një komisioni për mbetjet?
...
