“Zelensky, hero i kohës sonë”/ Spartak Ngjela: Ukraina ka fabrikat më të mëdha të armëve e raketave

113 563 lexime

124,178FansaPëlqeje

Avokati i njohur, Spartak Ngjela, komenton luftën në Ukrainë nga Rusia e Vladimir Putin.

Në një analizë të gjatë në “Facebook”, avokat Ngjela vlerëson me nota maksimale Presidentin e Ukrainës, Volodymyr Zelensky, duke e cilësuar atë një hero të kohës sonë.

Analiza e plotë:

l. Heroika patriotike e liderit, ndez heroizmin lndividual të qytetarëve dhe krijon heroikën kombëtare. Kjo po ndodh në Ukrainë me Zelensky-n që tani u kthye në një figurë botërore. Kam qenë i sigurt për këtë; dhe tani bota do të shohë se si; një popull trim dhe paqedashës si ukrainasit do të shpëtojnë edhe Rusinë por edhe botën nga një çerdhe banditeske putiniane.

Kjo, në fakt, është një eksperiencë historike diktatorësh, apo tiranësh, që e sjell fundin e tyre nga një gabim që këta e ndërmarrin, në nxitje, nga pasioni individual për të sunduar si monark absolut. Se nuk e kuptojnë dot, as sot, që kjo kohë, në Evropën aktuale, e ka zhveftësuar deri në pamundësi pushtetin e individit si monark absolut.

ll. Poeti i madh i Ukrainës Taras Shevchenko, duke qenë një nga poetët me të mëdhenj të Shekullit të XIX, në poezinë e tij ka satirizuar me art shtypjen e Rusisë kundrejt ukrainasve. Kjo është një vepër e madhe që tani jam i bindur se do të rishfaqet gojarisht në heroizmin. ukrainas.

Ukrainasit kanë ndërkohë fabrikat më të mëdha të armëve dhe raketave. Dhe kjo është arsyeja që Putini po iu kërkon dorëzimin e armatimit të rëndë.
Ukraina ka pasur dhe ka industri shumë të zhvilluar të prodhimit të avionëve dhe të tankeve. Ajo është në rangun më të lartë të prodhimit të çelikut në botë.
Po ushtria e Ukrainës çfarë përfaqëson?

Lexo edhe :  Rama ndan pamjet:Shqipëria është zgjedhur si Vendi i Nderit në panairin e turizmit global

lll. Prisni, se ende nuk ka dalë në shesh e të shfaqet strategjia reale e ushtrisë së Ukrainës. Sepse disa vjet ka që Ukraina, me Zelenskin, ka shpëtuar nga drejtimi i agjenturës ruse. Dhe duhet të mbahet mend se historia moderne e sllavëve evropianë ka filluar në Kiev. Edhe të parët sllavë që u konvertuan në të krishterë; në vitin 998; ata të Kievit kanë qenë. Edhe katedralja e madhe e Shën Sofisë; që ka një vlerë universale në të gjithë botën sllave dhe në Evropë, gjithashtu; në Kiev është ngritur në vitin 1037.
Edhe letërsia e parë kundër realizmit socialist në art; nga shkrimtarët e talentuar ukrainas ka filluar, që në mesin e viteve 1960′.

Por duhet të dihet me theks të veçantë se letërsia me vlerë në botën sllave ka filluar në Kiev, që në shekullin e njëmbëdhjetë. Në shekullin e dymbëdhjetë në Kiev u shkruar vepra e madhe “Kënga e Fushatës së Igorit”. Një shkrim epiko-historik me stil të veçantë ornamental që studiohet sot kudo.

lV. Por, e një vlerë të veçantë për të gjithë botën sllave: edhe në Poloni edhe në Rusi, ka pasur opozicioni i hapur antikomunist i ukrainasve të iluminuar që gjatë viteve 1970; që tronditi thellësisht regjimin komunist të Moskës.

E pse ta zgjasim? Historia e Ukrainës është një histori e një vlere të veçantë në historinë e qytetërimit evropian. Në këtë kohë; duket se ka ardhur çasti që ky popull trim dhe i talentuar të shkelmojë egërsinë Putin nga historia diktatoriale e Rusisë. Dhe kjo sigurisht që do të jetë një vlerë e madhe e Ukrainës në historinë botërore.

Të fundit

Shtrohet me urgjencë në spital Papa Françesku

Paraditen e sotme, pas përfundimit të audiencave, Papa Françesku u shtrua në Poliklinikën Agostino Gemelli për disa ekzaminime të...

Basha reagon me ironi ndaj sulmit të Berishës: Doktor pazari s’di në cilin vit jemi

Kreu i Partisë Demokratike-Demokratët Euroatlantikë, Lulzim Basha, ka reaguar me ironi ndaj akuzave të Sali Berishës që lëshoi në emisionin “Opinion”. Basha ka zgjedhur të...

Rama ndan pamjet: Pediatria e specialiteteve në QSUT hap dyert për pak ditë

Pediatria e Specialiteteve në Qendrën Spitalore “Nënë Tereza”, hap dyert për pak ditë. Kryeministri Edi Rama, përmes një postimi në rrjetet sociale, ka ndarë pamje...

Ndarja nga jeta e Shaban Muratit/ Begaj: Dhimbje për mikun tim, la pas vepra të rralla

Ndarja nga jeta e diplomatit Shaban Murati në moshën 79-vjeçare ka tronditur jo vetëm familjarë, të njohur dhe miq të tij, por edhe drejtues...

Që do të ndodhë një gjë e madhe, do të ndodhë. Është llaf i sigurt!

Nga Mentor Kikia Së shpejti do të ketë arrestime të bujshme! Nga të gjithë analistët, që janë bërë të tillë pa shkelur një ditë në rrugën...

Lajme të tjera

Web TV