Një shpërthim i fuqishëm është dëgjuar në Kiev. Mediat në Ukrainë bëjnë të ditur se sirenat e sulmit ajrorë dëgjohen thuajse në të gjithë vendin.
Alarmi shërben si një thirrje për banorët që të shkojnë në strehën më të afërt për t’u mbrojtur, ndërsa në rrugët kryesore të qytetit qëndrojnë ushtarët dhe vullnetarët e rekrutuar, që i bëjnë ballë forcës së armikut.
https://www.youtube.com/watch?v=kH0ic4jptCw
Kujtojmë se Rusia ka mësyrë drejt Ukrainës të enjten e 24 shkurtit, duke shkaktuar që prej asaj dite qindra të vrarë. Ukraina pretendon se edhe ata kanë zënë rob shumë ushtarë rusë, si dhe kanë shkatërruar tanke, avionë, helikopterë dhe artileri të rëndë të armikut.
Dje, në Bjellorusi, u zhvillua një takim mes delegacioneve të dy vendeve, me qëllim vendosjen e armëpushimit. Por, deri më tani, një marrëveshje nuk është arritur dhe luftimet e ashpra janë duke u zhvilluar në shumë territore.
