Së fundmi Roberto Saviano ka publikuar në rrjetin e tij social, Facebook një video të këngëtares ukrainase, e cila po këndon këngën e pavdekshme të rezistencës “Bella Ciao”.
“Ky është dedikimi i këngëtares ukrainase Khristina Soloviy për ata që luftojnë për pavarësinë e tokës së tyre këto ditë. Teksti është përshtatur me situatën: Toka u drodh dhe gjaku ynë filloi të vlojë”, shkruan ai.
Roberto Saviano është një shkrimtar dhe gazetar italian. Në shkrimet e tij, ai përdor literaturë dhe raportim investigativ. Pas marrjes së kërcënimeve me vdekje në 2006 të bëra nga klani Casalesi i Camorra, Saviano u vu nën një siguri të rreptë dhe jeton nën mbrojtjen e policisë.
