Ta shohësh atë me armë gjahu është vërtet mbresëlënëse. E mbani mend Sasha Volkov, medalistin e artë olimpik me Rusinë në Seul 1988?
Në moshën 57-vjeçare u kthye për të mbrojtur atdheun e tij, Ukrainën. Ai iu dërgoi foton përmes whatsapp miqve të tij nga bota e basketbollit, përfshirë Charlie Recalcati dhe Dino Meneghin.
Shikon celularin e tij, paksa i zhytur në mendime, teksa përfundon patrullimin e tij nëpër rrugët e Kievit, i katapultuar në një luftë të paimagjinueshme.
Dhjetë ditë më parë, mikut të tij Gianni Chiapparo nga Vareze, ai i dërgoi një video të bombardimeve me fjalët: “Ende nuk mund ta besoj, por ky është realiteti…”.
Në Kiev ai filloi lojën e tij në basketboll, e cila e bëri atë të arrinte shumë dhe madje, për ironi, të vishte fanellën e CSKA-së, ekipit të Ushtrisë së Kuqe. Me BRSS ai fitoi shtatë medalje olimpike, botërore dhe evropiane.
Ai ishte i pari sovjetik që shkeli në NBA. Pas largimit nga basketbolli, ai u bë pjesë e parlamentit ukrainas në fund të mijëvjeçarit duke u bërë ministër i sportit. Që nga viti 2007 ai është në krye të federatës së basketbollit të vendit të tij.
