Qytetarët janë mbledhur sërish në protestë edhe këtë të hënë në orën 17:00 kundër rritjes së çmimeve.
Kjo është dita e gjashtë e tubimit të qytetarëve. Protesta nisi nga Sheshi Skënderbej dhe më pas ata marshuan drejt sheshit përpara Kryeministrisë.
Dhjetra qytetarë, më së shumti të rinj me pankarta në duar u mblodhën para zyrës së Kryeministrit Rama dhe sot pritet të bëjnë publike dhe disa kërkesa të tyre të përmbledhura në disa pika.
Të dielën qytetarët u mblodhën sërish dhe paralajmëruan se nuk do të ndalen deri në plotësimin e kërkesave të tyre.
