Pothuajse i gjithë qyteti i Irpin, i cili ka parë luftime të ashpra javët e fundit, është në duart e Ukrainës, tha kryebashkiaku i Kievit.
Në filim të marsit, mijëra banorë u larguan nga Irpin, i cili është vetëm 20 km (12 milje) në veri-perëndim të Kievit, përmes një ure të mbetur në gjysmë pasi ishte hedhur në erë, ndërsa artileria ruse dhe sulmet ajrore goditën zonën.
Vitali Klitschko u tha gazetarëve se forcat ukrainase kishin zmbrapsur trupat atje dhe gjithashtu në qytetin Makariv, në perëndim të Kievit. Ai tha se forcat ukrainase kishin “shkatërruar planin për të bërë një rrethim rreth Kievit”.
Ish-boksieri tha gjithashtu se kishte sulme që po ndodhnin në veri dhe lindje të qytetit. Kur u pyet nga Lyse Doucet i BBC-së për shpërthimet që dukej se po i afroheshin qendrës së qytetit, ai tha: “Ata nuk do të vijnë kurrë në Kiev”.
Ai hodhi poshtë si “propagandë” pretendimet ruse se një qendër tregtare e bombarduar të hënën në fillim të kësaj jave po përdorej si një dyqan armësh.
Siç kemi raportuar, trupat ukrainase kanë kundërsulmuar forcat ruse në disa zona të vendit, duke përfshirë qytetin e vogël jugor të Voznesensk, ku forcat ruse u zmbrapsën dhe një kolonë e blinduar u shkatërrua, dhe në Kherson, afër Krimesë.
