Nga Emili Bibolli
Zoti Berisha dje mori me vendim gjykate Partinë Demokratike pas 9 vitesh në prapaskenë. Autori i batërdisë me pronat e shqiptarëve ndër vite, dje mori pronën e vet.
Demokratët të gjithë festojnë, e shohin z.Berisha si shpresë, disa në delir edhe Kryeministër të ardhshëm. Harrojnë se gjithçka ka një kosto, madje edhe vetë fitorja, të cilën demokratët arrijnë kulmin dhe nuk e quajnë të tyren por të z.Berisha.
PD dje ka vulosur përgjithmonë fatin e saj. E kemi ditur prej kohësh se shqiptarët janë të vetëm dhe se opozita nuk ka ekzistuar kurrë, por nga sot ata zyrtarisht janë të vetëm përballë realitetit.
Tani nuk na mbetet asgjë tjetër veçse të lutemi që Shqipëria të mos kthehet në një shtet monarkik, me një parti që do të gëzojë pushtet absolut dhe një parti përballë me fatin të mbyllur për egon e sëmurë të një të marri, i cili për të shpëtuar veten e sakrifikoi këtë të fundit.
