Danijela Lazoviç, me pseudonimin “Bagira”, është snajperistja serbe që thuhet se luftonte krah forcave ruse kundër Ukrainës.
Kështu informuan mediat ukrainase, që më pas lajmëruan edhe kapjen rob të saj.
Raportohet se “Bagira” ka vrarë 40 persona, por se tani është kapur rob.
Siç shkruan gazeta kroate Dnevnik, serbja luftonte për Rusinë që nga viti 2014. Bashkë me publikimin e fotos së saj, autoritetet ukrainase kanë bashkangjitur edhe një librezë ushtarake të saj me emrin Irina Starikova dhe ku shkruhej se ajo ka lindur në Donetsk por bëhet e ditur se bëhet fjalë për serben Danijela Lazoviç.
Por pas publikimi të këtij lajmi ka ardhur reagimi i Ministrisë së Punëve të Brendshme të Serbisë, e cila e ka mohuar atë duke thënë se Lazoviç gjendet në burg.