91.553 spektatorët që u mblodhën në tribunat e Camp Nou për të shijuar ndeshjen e dytë të çerekfinales së Champions League për femra ndërmjet Barcelonës dhe Real Madridit, përfaqësojnë pjesëmarrjen më të madhe në histori për një ndeshje futbolli për femra duke tejkaluar 90.185 që u mblodhën tek finalja e Kupës së Botës 1999 midis Shteteve të Bashkuara dhe Kinës.
Ishte një ditë festive për tifozët e Barcelonës dhe futbollin e femrave në përgjithësi . Tifozët në shumicë iu përgjigjën thirrjes së klubit dhe u mblodhën te Porta 7 për të mirëpritur autobusët e dy skuadrave pas mbërritjes së tyre në Camp Nou. Tifozët në stadiumin “Camp Nou” sonte panë kampionët në fuqi FC Barcelona të triumfojnë në ndeshjen e dytë çerekfinale të Ligës së Kampionëve për Femra kundër rivalit të përhershëm Real Madrid.
Përballë një turme rekord botëror prej 91,553 spektatorësh, FC Barcelona mposhti Real Madridin 5:2. Skuadra është në gjysmëfinale të Ligës së Kampionëve në futboll për femra. Ne 17 ditet e fundit, Barcelona ka fituar plot 3 El Clasico per femra: 5-0, 3-1, 5-2. Duke shtuar edhe meshkujt 0-4, bilanci shkon ne 4 fitore dhe 17 gola te shenuar per katalanasit ndaj Real Madrid.
Skuadra blaugrana e udhehequr nga lojtarja më e mirë Alexia Putellas fitoi El Clasico 5-2 (1-1 pjesa e pare) pas një paraqitje superiore. Barca tashmë kishte fituar 3-1 në ndeshjen e parë të çerekfinaleve. Në Camp Nou, Real barazoi me gjermanen Babett Peter pasi Maria Pilar Leon (8) kaloi në epërsi për Barcelonën që herët.
Katalanasit u përgjigjën me tre gola në dhjetë minuta. Futbollistja me e mire botërore Putellas (62′) shenoi golin e 4-2, ndersa Caroline Graham Hansen fiksoi rezultatin përfundimtar 5-2 ne te 70.
Rekordi i mëparshëm botëror i spektatorëve për një lojë femrash ishte ne vitin 1999. Në atë kohë 90,185 tifozë ndoqën finalen e Kupës së Botës midis mikpritësit SHBA dhe Kinës në Rose Bowl në Pasadena. Në nivel klubesh, numri rekord prej 60.739 vizitorësh ishte arritur në duelin mes Atletico Madridit dhe Barcelonës në vitin 2019.
Barça, e cila kishte shitur bileta në të gjithë botën për ndeshjen speciale, do të përballet me fituesin e përballjes mes VfL Wolfsburg dhe Arsenal në gjysmëfinale të klubit kryesor. Ndeshja e kthimit mes tyre zhvillohet të enjten (18:45) në Wolfsburg Bundesliga Arena. Rreth 10 000 bileta ishin shitur deri të mërkurën. Në ndeshjen e parë ishte barazuar 1-1 në Londër.
