Për asnjë moment nuk u pa të “thyhet” përpara hetuesve 33-vjeçarja greke, ndërsa për 5 orë tregoi me ftohtësi dhe apati të pabesueshme versionin e saj të historisë së vdekjes së të bijës 9-vjeçare, Georgina, një ngjarje kjo që ka tronditur mbarë opinionin grek e jo vetëm.
Roula Pispirigou për herë të parë u dëgjua të deshifronte fjalët “vajza ime, Georgina ime, fëmija im”, duke dashur kështu të marrë rolin e një nëne të dhimbsur.
Nëna monstër vijoi të ngulë këmbë se nuk ka qenë ajo e cila ka vrarë të bijën, duke kërkuar që t’i shpëtojë burgut ndaj të cilit ndodhet një hap larg. Gjatë dëshmisë para hetuesit të 18-të ditën e Hënë, ajo ndër të tjera u shpreh se pas vdekjes së fëmijëve, familja e saj u shkatërrua plotësisht.
“Asnjë nënë nuk mund të lëndojë fëmijët e saj…. Vdekja e Georginës, pas vdekjes së dy vajza të para, erdhi si një goditje përfundimtare për mua dhe po ashtu edhe për familjen dhe martesën time”, u shpreh ajo.
Megjithatë, në përpjekjen për ta bindur për pafajësinë e saj, Roula Pispirigou duket se nuk kishte asnjë aleat, përveçse motrën e saj, ndërsa këtë herë as nëna e 33-vjeçares nuk i është gjendur pranë.
Më herët në një intervistë televizive për mediat greke, nëna e Roulës u shpreh se nuk e beson kurrë që vajza e saj të mund t’u ketë bërë keq fëmijëve të mitur, ndërsa e përshkruan si një nënë të dashur dhe që fëmijët e donin shumë.
