Gjatë mbrëmjes së djeshme në aksin rrugor Fier-Lushnjë, në afërsi të rrethrrotullimit të Kolonjës, brenda në automjetin tip “Volvo”, u gjet i pajetë shtetasi Betim Kastrati.
38-vjeçari kishte parkuar makinën në mënyrë të rregullt dhe sipas policisë ka vrarë veten me armë zjarri. Sipas JOQ, Kastrati ishte shofer i drejtorit të Portit të Durrësit, Pirro Vengu.
Kastrati ishte i martuar dhe kishte 2 fëmijë të mitur. Njerëz të afërt pranë tij shprehen se sjellja e tij ishte normale, vetëm se nuk gjente kohë për fëmijët, pasi ishte pothuajse gjithë ditën në punë.
