“Sikur të kisha mundësinë ta kapja me duart e mia atë njeri”, këto janë fjalët e babait të Karolain, e cila u vra nga bashkëshorti i saj në Athinë më 11 maj të vitit të kaluar.
Babai i 20-vjeçares fatkeqe, ka folur për njeriun që akuzohet për vrasjen e të bijës, për bashkëshortin që mbyti të shoqen në sy të fëmijës së tyre të vogël, Lydian që atëherë ishte vetëm 11-muajshe.
Babai i 20-vjeçare britanike nuk e mban dot zemërimin që ka për vrasësin e Karolain.
Në një intervistë për Daily Mail, 78-vjeçari britanik foli për gjyqin që do të mbahet për vrasjen mizore të së bijës, rreth 10 muaj më parë në shtëpinë e saj në Glyka Nera, Athinë.
Babis Anagnostopoulos, i cili akuzohet për vrasjen e Karolain do të dalë nesër në Gjykatë ku thuhet se do të mbrijë veten, duke thënë se ishte duke u vetëmbrojtur duke iu referuar aftësive të 20-vjeçares në artet marciale.
Megjithatë babai i 20-vjeçares , i cili nuk do të paraqitet nesër në Gjykatë për shkak të problemeve me shëndetin tha se do donte shumë që vrasësi i të bijës të binte në duart e tij.
“E kuptoj që Babis do të përdorë si vijë mbrojtëse faktin që Karolain e ka provokuar dhe se ai veproi në kuadër të vetëmbrojtjes. Në momentin e gjyqit unë do të jem në shtëpi dhe do të kujdesem për Lidia e vogël (mbesën vajzën e Karolain dhe Babis)”, tha i ati i Karolain.
