Operacion shembullor e ka quajtur kryeministri Edi Rama, arrestimin e 32 policëve në Morinë që shfrytëzonin postin duke marrë ryshfet qytetarëve në këmbim të shërbimeve, me fitime që shkonin deri në 8 mijë euro në ditë. Kreu i qeverisë ka përgëzuar për punën e bërë, SPAK dhe Agjencinë e Mbikëqyrjes Policore, SHÇBA, teksa thotë se kjo frymë bashkëpunimi duhet të vijojë. Ai vë theksin që operacione të tilla të vijojnë deri në zhdukjen e fenomenit të korrupsionit nga uniforma blu.
“Përgëzime SHÇBA-së dhe SPAK-ut për operacionin shembullor të goditjes së një çerdheje të korruptuarish në Policinë e Shtetit! Uroj që kjo frymë e cilësi bashkëpunimi të vazhdojë në funksion të fshirjes së çdo njolle që ndot uniformën e policisë”, shkruan Rama.
