Sipas raportimeve të mediave lokale, Princ Valentino Corleone është dërguar në paraburgim me një afat 1-mujor në Burgun e Sigurisë së Lartë në Dyz të Podujevës.
Ai akuzohet për kanosje ndaj të atit të cilin e kërcënoi t’i lironte shtëpinë, ose do e zhdukte.
Sipas informacioneve, Corleonen e kanë refuzuar në Institutin e Psikiatrisë Forenzike në Prishtinë me motivin se nuk kanë patur vende të lira.
Prokuroria kishte kërkuar futjen e tij në psikiatri me qëllim që të mbahej nën vëzhgim.
Corleone mësohet se ka hyrë në banesën e të atit duke e kërcënuar: I ki afat 24 orë me ma liru shpinë se di çka të gjen!
Ky i fundit i frikësuar, është larguar dhe e ka kallëzuar penalisht në polici.
Pasi të dalë nga ambientet e burgut, Corleone sërish nuk do të mund të takojë familjarët e tij për shkak se ka marrë një urdhër-ndalimi nga Gjykata.
