9 prill 1961/ Pas pesë ditësh në spital, Ahmet Zogu ndahet nga jeta

113 563 lexime

124,178FansaPëlqeje

Më 9 prill të vitit 1961 në spitalin Foch, Sorensen, Paris, Francë, vdiq mbreti Zog, 65 vjeç – pas shumë vitesh vuajtje nga sëmundja, pa e parë vendin e tij që prej ikjes më 8 prill 1939. Shtypi në Shqipëri heshti plotësisht.

Zogu ishte shtruar në spital më 4 prill, thuajse pa ndjenja nga dhimbjet e forta në stomak. Ai ishte dobësuar jashtzakonisht. Kur u përmend, pa pranë mbretëreshën Geraldinë dhe princ Lekën. Zogu i kërkoi Geradinës t’i silte një revole sepse nëse mjekët do t’i thonin se kishte kancer, ai nuk donte të jetonte më dhe do të vriste veten. E shoqja e kundërshtoi, më kot; pastaj solli armën (pa fishekë) dhe ia la pranë, por mbreti nuk kishte fuqi as për të zgjatur dorën.

Zogu kishte qenë monark absolut, i fortë, efikas dhe, i pamëshirshëm në rast nevoje. “Eshtë kollaj të jesh mbret i 400 milionë skllevërve e robërve, por është tepër e vështirë të jesh mbret i një milion mbretërve, siç jam unë”, ka thënë Zogu në një rast.

Historiani amerikan Raymond Hutchison do ta quante Zogun “personazhin shqiptar më të fuqishëm të shekullit XX ose gjatë shumë shekujve që nga vdekja e Skënderbeut të madh më 17 janar 1468”.  Leksografi i njohur Stuart Edward Mann, hartues i fjalorit historik Albanian-English, shkruante në paraqitjen e gramatikës së tij shqipe (1932), se “ardhja e Zogut në krye të vendit si president dhe pastaj si mbret, ishte një fillim i mbarë”.

Mbreti krijoi administratën dhe makinerinë e një shteti modern shqiptar; gjatë presidencies së tij, kodi i vjetëruar penal Osman u zevendësua me Kodin e Napoelonit; vendi përparoi në çdo fushë të rëndësishme; ai zhduku banditërinë e trashëguar; përkujdesje i kushtoi arsimit publik; qindra të rinj u dërguan me bursa jashtë shtetit në universitete evropiane (ironikisht mes tyre ishte edhe Enver Hoxha), dhe kur diplomoheshin, ata kthehesin në atdhe ku Zogu i vendoste në poste administrative.

Lexo edhe :  Shqipëria po “ushqehet” me mendimet e botës

Gjithashtu, gjatë mbretërimit të tij, mbreti Zog u rezistoi përpjekjeve nga Italia për vendosjen e fashizmit në Shqipëri, derisa Musolini u detyrua ta pushtonte, si dhe mbajti marrëdhënie të mira me vendet fqinje.

Të fundit

Kokainë dhe marijuanë të fshehur në një kuti, arrestohet shqiptari në Itali

Policia italiane ka arrestuar një 38-vjeçar shqiptar në Seregno, i cili u kap me 3 kilogramë drogë të fshehura...

Çfarë është migrena e heshtur! Si ta dalloni dhe ta trajtoni për t’u ndjerë më mirë

Migrena zakonisht njihet për shkaktimin e dhimbjes pulsuese të kokës, por jo të gjitha rastet e migrenës janë të njëjta. Në fakt, disa nuk shoqërohen...

I kërkoi 1 mijë euro për t’i fshirë fotot në TikTok, arrestohet 27-vjeçari

Një 27-vjeçar është vënë në pranga nga policia pasi akuzohet se ka kanosur një 33-vjeçar pasi i kishte publikuar disa foto në TikTok dhe...

Rihapet çështja e vrasjes së ish-Presidentit Kennedy, do të dëshmojë Oliver Stone

Regjisori i njohur Oliver Stone do të dëshmojë të martën në një seancë dëgjimore të Dhomës së Përfaqësuesve të Shteteve të Bashkuara lidhur me...

Somali/ SHBA nis sulm ajror ‘kundra shtetit islamik’

Raportet fillestare tregojnë se shumë luftëtarë të ISIS në Somali janë vrarë dhe asnjë civil nuk është plagosur. Ky është operacioni i dytë ushtarak...

Lajme të tjera

Web TV