Një ngjarje e rëndë është parandaluar në Kukës. Një 36-vjeçar në fshatin Kryemadh, është arrestuar nga policia, pasi ishte konfliktuar me bashkëshorten e tij, të cilën e ka dhunuar dhe e ka kërcënuar me armë zjarri.
Bylbyl Saraçi, sipas policisë, i kishte dëmtuar bashkëshortes gishtat e dorës me thikë dhe e kërcënonte se do të vriste atë dhe të vëllanë e saj, me armë zjarri.
Gjatë kontrollit në banesë, policia gjeti dhe sekuestroi një armë zjarri pushkë të mbushur me fishekë dhe një thikë. Materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.
