Pas kërcënimit me vdekje ndaj presidentit Aleksandër Vuçiç, policia serbe ka vënë në pranga autorin.
Sipas mediave vendase mësohet se shtetasi N.S, nga Beogradi, është arrestuar nga policia serbe dhe gjatë marrjes në pyetje nga Prokuroria ai ka pranuar kryerjen e krimit.
Megjithatë, ky shtetas ka mbrojtur veten duke thënë se nuk ka përdorur terapinë nga mjeku dhe se vuan nga problemet mendore.
Pas paraqitjes së tij në gjykatë, prokuroria ka kërkuar nga gjykata për ta ndaluar.
Personi me inicialet N.S, nga Beogradi, e ka prezantuar veten si një ish-aktor amator dhe tekstshkrues këngësh. Ai kishte publikuar në Instagram një këngë, ku bënte thirrje për vrasjen e Vuçiç.
