Liverpool ka fituar sot ndaj Manchester Cityt me rezultatin e konsiderueshëm 2-3 në Etihad Stadium.
Praktikisht Liverpool e mbylli ndeshjen që në pjesën e parë ku shkuan në dhomat e zhveshjes me rezultatin e pastër 0-3. Për miqtë i pari që shënoi ishte Konate në minutën e 9-të me një goditje me kokë.
Më pas ishte Sadio Mane pasi përfitoi nga një gabim trashanik i portierit të City. Për të mos u mjaftuar me kaq, Liverpool shënon të tretin me Mane përsëri.
Pjesa e dytë dukej sikur nisi mirë për vendasit pasi Grealish shënoi golin e parë për Manchester City. Por situata nuk dukej aq e mirë pasi ekipi i Guardiolës nuk po shënonte. Në minutën e 91-të Bernardo Silva ngushtoi rezultatin në 2-3.
Kështu, Liverpool kalon në finale të FA Cup ku do të presë kundërshtarin midis Chelsea-Crystal Palace.
Ndërkohë në Premier League, Manchester United është rikthyer te fitorja. “Djajtë e kuq” e kishin detyrim dhe ia dolën të triumfonin 3-2 kundër Norwich të vendit të fundit. Cristiano Ronaldo i mundi i vetëm “Kanarinat”, pasi i shënoi të tre golat.
Sulmuesi e zhbllokoi ndeshjen që në minutën e shtatë, ndërkohë që pas gati gjysmë ore lojë realizoi edhe të dytin. Norwich befasisht reagoi, duke e hapur ndeshjen me golin e Dowell në shtesën e pjesës së parë.
Miqtë e nisën mirë edhe pjesën e dytë, me Pukkin që ndëshkoi United. Skenën e mori sërish Ronaldo, i cili me godithe dënimi shënoi golin e fitores për skuadrën e tij.
