Ish-kryeprokurori i Përgjithshëm Adriatik Llalla, ka kërkuar daljen nga qelia e burgut. Ai i është drejtuar me një kërkesë të re Gjykatës së Lartë.
Sipas ish-kryeprokurorit, ai vuan nga një sëmundje e rëndë dhe nuk mund të rrijë i izoluar, pasi mbyllja brenda katër mureve, mund t’i rrezikojë atij jetën.
Kujtojmë se Llalla është dënuar për mosdeklarim dhe fshehje pasurie në 3 episode. Ai akuzohet se nuk ka deklaruar një shumë prej rreth 7 mijë dollarësh për lindjen e djalit, shpenzimet që lidhen me ndërtimin e katit të tretë të banesës si dhe shkollimin e vajzës në Gjermani.
Gjithashtu ndaj ish-kryeprokurorit gjykata vendosi edhe konfiskimin e pasurisë. Llalla ndodhet nën mbikëqyrjen e autoriteteve italiane në pritje të vendimit që do të marrë gjykata.
