Cristiano Ronaldo do të mungojë sonte në ndeshjen e skuadrës së tij, Manchester United, kundër Liverpool -it pas vdekjes së djalit të tij të porsalindur, konfirmoi klubi në një deklaratë.
“Familja është më e rëndësishme se çdo gjë, dhe Ronaldo po i mbështet të dashurit e tij në këtë kohë jashtëzakonisht të vështirë. Prandaj, ne konfirmojmë se ai nuk do të marrë pjesë në ndeshjen kundër Liverpool në Anfield këtë të martë mbrëma”, tha United.
“Me pikëllimin tonë më të thellë duhet të njoftojmë vdekjen e djalit tonë. Është dhimbja më e madhe që prindërit mund të ndjejnë. Vetëm lindja e vajzës sonë na jep forcën për ta jetuar këtë moment me pak shpresë dhe lumturi,” tha lojtari dhe partnerja e tij, Georgina Rodríguez, në deklaratën e tyre.
