“Do t’i terrorizojmë këta bijë ku**ash”/ Përgjimet italiane që fundosën bosin shqiptar të kokainës

113 563 lexime

124,178FansaPëlqeje

Elvis Demçe, i konsideruar si kreu i bandës më gjakësore në kryeqytetin italian, Romë, kishte mbledhur foto, emra dhe detaje në lidhje me hetuesit që i ishin vënë pas klanit të tij mafioz. Ai donte që ata të vdisnin. Më saktë, t’i vriste, në mos vetë, dikush nga njerëzit e tij. Më 17 shkurt, “Repubblica” zbuloi planin e Demçes për të vrarë dy magjistratë romanë, ndërkohë lajmi bëri bujë në të gjithë Italinë. Në përgjime ai e krahasonte veten me Escobar. “Repubblica” shkuan se klani mafioz gjeti emrat e policëve që hetonin biznesin e tyre dhe, përmes rrjeteve sociale, ata gjurmuan fytyrat e tyre.

Mungoi vetëm hapi i fundit: “Nëse dikush i dinte shtëpitë e tyre, t’i presim atje. Do t’i terrorizojmë këta bijë ku…sh”, thuhet në zbardhjen e përgjimeve. Elvis Demçe gjendet në krye të një bande të pamëshirshme që dëshiron të marrë sheshet e farmacive midis Prenestinos, bregdetit të Pontinos, Castelli Romani dhe Velletri. Ai ka kohë që ka bërë luftë për këtë territor. Madje vendosi të kërkojë shefin e agjentëve: “Duhet ta vrasim, nuk kemi zgjidhje tjetër”. Por plani dështoi, sepse Demçe u arrestua në janarin e vitit të kaluar.

Ndërkohë, EUROPOL ka në dorë një server në dukje të padepërtueshëm, “Sky Etc”, prej të cilit ka nxjerrë edhe përqindjen më të madhe të aktivitetit të shqiptarit që prej ditësh gjendet si kryelajmi i mediave italiane. Policia europiane dëgjoi telefonatat e koduara të mbi 170,000 përdoruesve, mes të cilave dhe të Demçes, ku u shqua se ai ishte i gatshëm të eliminonte gjyqtarët Francesco dhe Giuseppe Cascini. Nga dokumentet e sapodepozituara në procedimin ndaj bandës, del edhe dëshira për të ndëshkuar forcat e Policisë.

Lexo edhe :  Si po mbrohen bizneset shqiptare duke punësuar dedektivë

Nuk ka rëndësi nëse Demçe është i bindur se është “nën hetim për vrasjen e ‘Diabolikut’, theksojnë karabinierët e Njësisë Hetimore duke iu referuar lidhjeve mes shqiptarit dhe Fabrizio Piscitellit, të vrarë më 7 gusht të 2019-ës. Shqiptari ka vendosur që është e nevojshme të vrasë një oficer Policie që e bezdiste. “Nëse e gjen veten diku duke i ‘fryrë trurit’, ne e qëllojmë në 2 të pasdites para gjykatës”, ishte urdhri i shqiptarit. Tashmë bisedat e të dyshuarve janë në dorën e magjistratëve, siç ishte një bisedë e bërë në qershor 2020. “Më ndjek prej kohësh.

Është vërtet një…, duhet të kesh shumë kujdes nga ai”, i thotë shefit shqiptar një prej anëtarëve të klanit. “Por nëse është ai djali, ne duhet ta vrasim, nuk kemi zgjidhje tjetër, thjesht ta shkatërrojmë. Një plumb në kokë, për ta shkatërruar vërtet. Vetëm merrni biçikletat. Biçikletat dhe gati në aksion. Sepse nuk ka zgjidhje tjetër. Kush e ka bërë, duhet t’i qëllojë”, thotë në një tjetër përgjim Elvis Demçe.

Një tjetër përgjim fundos bosin e kokainës, ku flet me “ushtarët” e tij më datë 7 shtator 2020: “Vëlla, këta janë homoseksualët e ‘Via Genova’-s, ekipi i atij birit të…”, thonë anëtarët e bandës. Ndërkohë Demçe ia kthen: “Prisni sa t’i bëj këtë kurthin e fundit. Shihni çfarë do t’i bëj! E lë të vdekur në tokë në mes të Tor Bellës me kokën plot plumba”.

Të fundit

mocionuese! Parashqevi Simaku rikthehet në skenë dhe këndon sërish shqip

Parashqevi Simaku duket në formë fantastike, teksa feston me miqtë e saj në Amerikë, teksa rikthehet në skenë më...

Pse janë unike shenjat e gishtave?

Përdorimi i shenjave të gishtave për identifikim filloi në fund të viteve 1800, megjithëse qytetërimet e lashta e kishin njohur veçantinë e tyre. Babilonasit...

Rand Paul: Tarifat doganore ndëshkojnë familjet amerikane

Sipas Shoqatës Kombëtare të Ndërtuesve të Shtëpive, ndërtimi i një shtëpie njëfamiljare mund të bëhet deri në 10,000 dollarë më i shtrenjtë për shkak...

Kryepeshkopi Joani për median greke: Janullatos përhapi frymë pozitive brenda kishës

Kontakti im i parë me ungjillin ishte në shkollën e tretë të mesme. Një mik i vëllait më dha një libër në frëngjisht. Ai...

Mënyrat për të përballuar lodhjen në zyrë

Nëse lodhja e zyrës po ju lodh, provoni këto strategji të thjeshta dhe efektive për të rifituar energjinë tuaj dhe për të qëndruar të...

Lajme të tjera

Web TV