Një hajdut pasi sulmoi një 72-vjeçare dhe i vodhi makinën, ka ndërruar jetë disa momente më vonë në aksident.
“The Sun” shkruan se ai goditi në mënyrë të përsëritur Shirlene Hernandez, 72 vjeç, ndërsa ajo ndaloi për pije freskuese në një pikë karburanti në San Antonio, Teksas.
Shirlene mbeti e përgjakur dhe e mavijosur nga grabitësi i makinës, i cili i mori çelësat e mjetit dhe u largua me shpejtësi.
Por nuk ka vonuar shumë dhe policia ka shkuar në vendin e ngjarjes, ku ka gjetur makinën në autostradë dhe hajdutin pa jetë.
Policia tha se tre dëshmitarë në vendngjarje u përpoqën të ndërhynin dhe ta kapnin të dyshuarin, por ai mundi të arratisej me makinë.
Gjyshja tha se ishte “e pikëlluar sepse ai kishte vdekur”, por tha se shumë njerëz kishin përmendur “karma”.
