Gjykata e Tiranës ka dhënë masën e sigurisë “arrest me burg” për tre të rinjtë Viard Kotori 29 vjeç, Etmond Dokushi, 32 vjeç, dhe Ervin Kamolli, 32 vjeç të cilët akuzohen për falsifikim monedhash.
Arrestimi i tyre erdhi pasi Viard Kotori shkoi të këmbente në një pikë këmbimi valutor 2 mijë dollarë false dhe në momentin që u kuptua nga punonjësja, Kotori u largua me vrap.
Por gjatë seancës së sotme gjyqësore Kotori u shfaq shumë i buzqëqeshur para mediave dhe me dy gishtat lart. Ai ka deklaruar se paratë false nuk ishin të tijat por se i kishte gjetur në rrugë. Më tej ai tha se kishte gjetur 8 mijë dollarë në rrugë por të tjerat i kishte djegur. Ndërkohë avokati i tij mbrojtës, Enea Cenko tha se klienti i tij është rritur në fshatin SOS dhe se i buzëqeshi fati duke i gjetur në rrugë.
Kotori është i penduar dhe se nuk e dinte që dollarët ishin false. Dy shokët e tij nuk kanë lidhje me krimin dhe se do të bashkëpunojnë me drejtësinë. Ai është rritur në fshatin SOS, i buzëqeshi fati duke i gjetur në rrugë.
