Një ngjarje e rëndë është regjistruar në një xhami në Afganistan.
Bëhet me dije nga mediat e huaja se të paktën 33 persona kanë mbetur të vrarë pas sulmit me bombë pranë një xhamie sunite.
Ndërkohë që mësohet se dhjetëra të tjerë janë plagosur, ka thënë një zëdhënës i talebanëve.
“Një shpërthim me bombë pranë një xhamie në lagjen Imam Sahib të Kunduzit ka vrarë të paktën 33 civilë, duke përfshirë fëmijë,” shkroi zëdhënësi i talebanëve Zabihullah Mujahid në Twitter.
Gjithashtu, njoftoi se 43 persona janë lënduar. “Autorët e këtyre sulmeve janë elementë satanikë dhe po bëhen përpjekje serioze për arrestimin dhe ndëshkimin e tyre,” tha ai./ Gazeta Shqip
