Zyrtarja e lartë e Departamentit Amerikan të Shtetit (DASH), Karen Donfried, ndihmës Sekretare për Byronë e Çështjeve Evropiane dhe Euroaziatike, do të vizitojë Shqipërinë më 28 prill, në kuadër të një turi që do të zhvillojë në Ballkanin Perëndimor, nga data 25 deri më 29 prill.
Interesante në axhendën e zyrtarës së lartë amerikane është fakti se ajo ka rezervuar një takim me Enkelejd Alibeajn, kryetarin e Grupit Parlamentar të PD, i cili nga amerikanët njihet si kryetari në detyrë i PD-së, ndryshe nga siç pretendon Sali Berisha dhe ky është një mesazh shumë i fortë amerikan për të.
Mësohet se ashtu si biseda me Kim, edhe ky takim do të zhvillohet në zyrën e Kuvendit, dhe do të jenë të pranishëm edhe Jorida Tabaku dhe anëtarë të tjerë të grupit, jo anëtarë të Komisionit të Rithemelimit.
Ndërkohë që mesditën e së premtes është parashikuar një takim edhe me kryeministrin Rama rreth orës 12:00.
