Një ngjarje horror ka ndodhur në Korçë! Një grua ka lindur fëmijën dhe më pas e ka vendosur brenda një valixheje. Për shkak të mungesës së kujdesit dhe asfiksisë, foshnja i porsalindur ka ndërruar jetë.
Ngjarja ka ndodhur në lagjen 15 të qytetit, ndërsa gjithashtu bëhet me dije se nëna e fëmijës në fakt dyshohet se ka probleme të shëndetit mendor dhe në shtëpi jetonte vetëm.
Ka qenë bashkëshorti ai i cili konstatoi pa shenja jete foshnjen. Burri, i cili ende nuk është identifikuar u rikthye ditën e djeshme nga emigracioni në Greqi. Bashkëshorti i ka thënë policisë se kishte më shumë se një vit që nuk ishte kthyer në shtëpi dhe se fëmija që gjeti të pajetë nuk ishte i tij.
Kanë nisur hetimet për rastin e rëndë. Policia ende nuk ka dalë me një njoftim zyrtar për vdekjen e foshnjes dhe procedimin që do të bëhet më pas me gruan.
