Sfidat e Europa League dhe Conference League ishin zhvillimet kryesore sportive mbrëmjen e djeshme me dy kompeticionet që vulosën dy finalet respektive: Rangers-Eintracht Frankfurt dhe Roma-Feynoord.
“SPORT” hapet me talentin e Barcelonës Ronaldo Araujo dhe titulli kryesor është një pjesë nga deklarata e mbrojtësit katalanas: “Sezonin e ardhshëm do të fitojmë tituj”.
Edhe “Mundo Deportivo” hapet po me Araujon që jep një mesazh të rëndësishëm për tifozët e Barcelonës sezonin e ardhshëm: “Ne do të ngrihemi me siguri”
Ndërkohë “Marca” mban në faqe të parë Real Madrid dhe heroin e tyre Rodrygo, i cili tregon se madrilenët synojnë të fitojnë trofeun me veshë të mëdhenj: “Nuk jemi të kënaqur, po shkojmë për Championsin e 14”,
Po ashtu edhe “AS” ka në fokus Rodrygon, i cili flet për sfidën e fituar ndaj Manchester City duke u dhënë meritën kryesore tifozëve të pranishëm në stadium: “Bernabeu na bëri me krahë”
“Estadio Deportivo” zbulon planin për stadiumin e ri të Sevilla-s dhe duke treguar pamjet në sfond shoqëruar me titullin: “Sevilla që ju pret”
“La Gazzeta dello Sport” ka në faqe të fokus zhvillimin e “Giro d’Italia” dhe shkruan: “Giro, të dua”.
“Mirror Sport” mban titullin “Bie Anglia”, duke iu referuar kompeticioneve europiane, ku ditën e djeshme Roma eliminoi Leicesterin nga “Conference League”, ndërsa Eintracht Frankfurt eleminoi West Hamin nga Europa League, por të mos harrojmë edhe Manchester Cityn që u shokua në fundin e ndeshjes nga Real Madrid.
