Një person i vënë nën arrest ka mundur të largohet nga ambientet e Gjykatës së Korçës përpara se të jepej masa e sigurisë për të. Policia ka ngritur post-blloqe ne aksin nacional Korçë Pogradec për të bërë të mundur kapjen e tij.
Korçë/Informacion paraprak
Mesditën e sotme, në Gjykatën e Rrethit Gjyqësor Korçë, nga salla ku po zhvillohej seanca gjyqësore, është larguar shtetasi K. M., 21 vjeç, banues në Qatrom, Korçë, (i arrestuar më datë 06.05.2022, për vjedhjen e një banese në fshatin Qatrom).
Nga ana e Policisë janë ngritur pika kontrolli me qëllim kapjen e këtij shtetasi.
Grupi hetimor po punon për sqarimin e rrethanave të ngjarjes.
