Prokurorja e shkarkuar Elisabeta Imeraj ka folur ditën e sotme në emisionin “breaking” në lidhje me procesin e saj të vlerësimit.
E njohur si “gruaja e hekurt” për shkak të çështjeve të fuqishme që ka hetuar, si dosja “Tahiri”, “Shullazi” etj, Imeraj ka deklaruar se gjatë gjithë kohës që ka shërbyer si prokurore ajo ka përfaqësuar shtetin, ndërsa tha se procesi i vlerësimit i zhvilluar për të ka treguar luhatje në reformën në drejtësi.
Ndër të tjera, ajo shtoi se babai i saj është një mbështetës i zjarrtë i reformës në drejtësi, duke than se procesi i saj nuk e përfaqëson reformë në drejtësi.
“Elizabeta Imeraj ka përfaqësuar akuzën në emër të shteti, ka kryer funksionin në emër të prokurorisë. Çështjet që më kanë rastisur, për shkak të rrezikshmërisë së veprës kanë qenë me natyrë sensitive për publikun dhe janë bërë publike. Elizbaeta Imeraj ka bërë vetëm detyrën. Gjykata dhe gjyqtari duhet të jetë i pavarur në drejtim të punës dhe detyrës që bën. Ky ishte misioni i reformës në drejtësi. Imeraj përfaqësonte prokuroren që guxon të përballet, të thitë me së të lartë fjalën kur ka të drejtë. Unë nuk do ta cilësoja procesin e vettingut tim si tërësinë e reformës në drejtësi. Nuk dua ti prish publikut pritshmëritë, duke nisur që nga im atë ka qenë përkrahës i flaktë i reformës.
Unë si juriste dhe si prokurore dje jam mësuar të flas me prova dhe fakte të flas me atë që konkludon e provuar por në rangun e një procesi rivlerësimi, të interpretohen fjali të interpretuara për të gjetur patjetër diçka, një proces i ndryshëm krijon një luhatje.”- tha ajo.
