Finlanda pozicionohet për anëtarësim në NATO, kërcënon Rusia

113 563 lexime

124,178FansaPëlqeje

Presidenti finlandez dhe kryeministrja e vendit u shprehën publikisht të enjten për shtrimin e kërkesës për anëtarësimin “pa vonesë” të vendit në NATO.

Presidenti i Finlandës, Sauli Niinistö dhe kryeministrja Sanna Marin janë shprehur për shtrimin e kërkesës për një anëtarësim sa më të shpejtë në NATO. Në një deklaratë të përbashkët të publikuar të enjten, ata u shprehën, se Finlanda duhet “pa vonesë” ta shtrojë kërkesën për anëtarësim në aleancën perëndimore. Vendimin përfundimtar ata do të bëjnë të ditur të dielën. Prej dekadash Finlanda ka pasur një pozicion neutral kundrejt NATO-s. Që nga marshimi i trupave ruse në Ukrainë, qëndrimi i opinionit publik ka ndryshuar ndjeshëm. “Një anëtarësim në NATO do ta forconte sigurinë e Finlandës”, deklaruan Niinistö dhe Marin. Sipas një sondazhi të publikuar të hënën në Finlandë, 76% e qytetarëve finlandezë ndërkohë e mbështesin anëtarësimin në NATO, ndërkohë që në vitet e kaluara kjo mbështetje arrinte vetëm në 20 deri në 30%. Edhe SuediFinlanda dhe Suedia: fillim i anëtarësimit në NATO?a fqinje pritet të publikojë së shpejti një vendim për anëtarësimin në NATO.

Danimarka përshëndet Finlandën

Pozicionimi i Finlandës për anëtarësim në NATO është përshëndetur nga vendi tjetër skandinav, Danimarka. “Danimarka do ta presë me përzemërsi Finlandën në NATO”, shkroi kryetarja e qeverisë daneze, Mette Frederiksen të enjten në twitter. Sipas Frederiksen anëtarësimi i Finlandës do të forconte NATO-n dhe sigurinë e përbashkët. Danimarka do të bëjë gjithçka për një anëtarësim të shpejtë të Finlandës, thuhet, kur të mbërrijë kërkesa zyrtare.

Rusia: Do hakmerremi

Finlanda “duhet të jetë e vetëdijshme për përgjegjësinë dhe pasojat” e anëtarësimit në NATO, tha ministria e jashtme e Rusisë në një deklaratë të enjten, duke shtuar se Rusia “do të detyrohet” të ndërmarrë hapa hakmarrës nëse vendi bashkohet me aleancën. “Deklarata e presidentit finlandez S. Niinistö dhe kryeministrit finlandez S. Marin, të cilët folën sot në favor të anëtarësimit të Finlandës në NATO, është një ndryshim rrënjësor në politikën e jashtme të vendit”, tha Ministria e Jashtme ruse, duke shtuar “Helsinki duhet të jetë i vetëdijshëm për përgjegjësinë dhe pasojat e një lëvizjeje të tillë”. Anëtarësimi i mundshëm i Finlandës në NATO do të shkaktonte dëme serioze në marrëdhëniet dypalëshe ruso-finlandeze, të cilat po ruajnë stabilitetin dhe sigurinë në rajonin e Evropës Veriore, tha ministria, raporton CNN. “Rusia do të detyrohet të ndërmarrë hapa hakmarrës, si të natyrës ushtarako-teknike ashtu edhe të natyrës tjetër, në mënyrë që të ndalojë kërcënimet ndaj sigurisë së saj kombëtare që dalin në këtë drejtim”. “Aderimi në NATO do të jetë gjithashtu një shkelje e drejtpërdrejtë e detyrimeve ligjore ndërkombëtare të Finlandës, kryesisht Traktati i Paqes i Parisit i vitit 1947 dhe Traktati i 1992 midis Rusisë dhe Finlandës mbi bazat e marrëdhënieve”, tha Ministria e Jashtme e Rusisë. Finlanda ndan një kufi prej 800 miljesh me Rusinë.

Të fundit

Majlinda Bregu: Më pushuan nga një punë që e doja

Në një podcast me Mira Kazhanin, Majlinda Bregu flet për jetën larg të qenit politikane, por flet edhe për...

Konservatorët e Merz dhe SPD-ja gati për formimin e qeverisë në Gjermani

Fituesit e zgjedhjeve në Gjermani, konservatorët e Friedrich Merz, dhe socialdemokratët (SPD), i kanë përfunduar bisedimet paraprake për formimin e Qeverisë së re të...

Përplasi për vdekje 2- vjeçarin/Arrestohet drejtuesi, komshi me familjen e viktimës

Në vazhdim të hetimeve për aksidentin tragjik që ndodhi në një fshat të Vorës sot, ku një i mitur rreth 2 vjeç humbi jetën,...

A do të ishte bota më paqësore nëse më shumë gra do të drejtonin

Gazetarja e Sky News, Victoria Seabrook i ka kushtuar një artikull Ditës Ndërkombëtare të Gruas. Nëse bota ka ndjerë më shumë rrezik kohët e fundit,...

Ishte më i votuari në Primare, Nallbati: S’e bëj dot servilin me Berishën

Deputeti i Partisë Demokratike, Bledjon Nallbati, ka folur mbi raportin e tij me kreun e PD-së, Sali Berisha, gjatë një interviste në emisionin “Kjo...

Lajme të tjera

Web TV