Bora Zemani është tashmë personazhi më i komentuar në mediat rozë. Bora-Donald janë dyshja më e përfolur e mediave dhe rrjeteve sociale. Ndarjet dhe bashkimet e tyre bëjnë shumë bujë ashtu si edhe çdo veprim tjetër nga ana e gjithësecilit.
Veç Borës dhe Donaldit në qendër të vëmendjes është edhe Beatrix Ramosaj, vajza e cila sapo u fut në BBV u dashurua me aktorin i cili ndonëse i ndarë festonte përvjetorin e lidhjes, shprehte dashurinë ndaj Borës dhe tani në fund i dedikoi dhe një këngë moderatores.
Ndonëse ata vet nuk e kanë pranuar publikisht që janë kthyer bashkë, disa foto të qarkulluara kohët e fundit tregojnë se dyshja jo vetëm që janë në krahët e njëri-tjetrit, por shijojnë çdo moment feste. Thashethemet dhe lajmet për ribashkimin e tyre nuk kanë fund, ndërsa përforcohen nga fotot që nxjerrin zbuluar çiftin që ka arritur të marrë vëmendje nga të gjithë.
Mbrëmjen e djeshme Bora ka qenë e ftuar si modele në një pasarelë mode në Prishtinë, teksa afër saj është parë Donaldi. Po, po e lexuat mirë! Donald Veshaj ka qenë afër dashurisë së tij në mbështetje të saj, teksa janë fotografuar afër njëri-tjetrit në një tavolinë duke festuar bashkë.
