Ka shkuar në dy numri i viktimave të aksidentit tragjik që ndodhi ditën e sotme në “Rrugën e Kombit”.
Burime për mediat bëjnë me dije se 20-vjeçari, Xheku Logu, nuk ka mundur t’ i mbijetojë plagëve të marra.
Në vendngjarje humbi jetën Andi Rustaj, daja i Xheku Logut, 25 vjeç.
Kujtojmë se ngjarja ndodhi këtë të enjte në Rrugën e Kombit, ku Logu dhe Rustaj ishin nisur nga Tirana me makinën e tyre dhe do të udhëtonin në drejtim të Kukësit, por afërsi të fshatit Kolsh kanë dalë nga rruga dhe kanë rënë në humnerë, të paktën 100 metra. Shërbimet e Policisë ndodhen në vendngjarje prej orëve të para të mëngjesit.
Dyshimet janë se shoferi i mjetit ka humbur kontrollin dhe ka kryer një manovër të gabuar, pasi në Rrugën e Kombit, në pjesën kur Mercedesi ka dalë nga karrexhata nuk ka gjurmë frenimi.
