Një aksident i rëndë me pasojë vdekjen e një të riu ndodhi mëngjesin e sotëm në rrugën e Kombit.
Dy të rinj nga Tropoja po udhëtonin nga Tirana drejt Kukësit me një automjet tip Benz kur në afërsi të fshatit Kolsh, drejtuesi i mjetit ka humbur kontrollin dhe ka dalë jashtë rruge duke përfunduar në greminë, rreth 100 metra poshtë rrugës.
Ata u dërguan me urgjencë në spitalin Rajonal të Kukësit, por njëri prej tyre nuk arriti t’i mbijetojë plagëve të rënda ndërsa tjetri është në gjendje të rëndë.
Shkak i aksidentit mendohet të ketë qenë pakujdesia dhe manovrimi i gabuar i automjetit në rrugë pasi nuk janë vënë re gjurmë të frenimit. Ndërkohë nuk ka trafikndarëse mes rrugës dhe greminës ku përfundoi automjeti.
