Fitorja në “El Classico-n” e finales së basketbollit nga Real Madrid ishte tema kryesore për shumë nga mediat e njohura sportive spanjolle.
Ndërkohë javët e fundit vendimtare për kampionatet, apo edhe temat e nxehta të merkatos kanë qenë po ashtu në fokus të mediave më të njohura sportive.
“Sport” vendos fokusin e saj tek Dembele dhe të ardhmen e francezit me titullin “Vendimi final”, pasi sulmuesi i Barçës do të vendosë nëse do të qëndrojë apo do të largohet nga katalanasit.
“Gjigantët” është titulli i “AS”, që flet për fitoren e Real Madrid ndaj Barcelonës 86-83 në basketboll.
“Mundo Deportivo” ka në fokusin e saj repartin e mundshëm të sulmit për Barcelonën sezonin e ardhshëm me titullin “Tredhëmbëshi i ri”. Ndërkohë reparti do të plotësohej nga Fati-Lewandowski dhe Raphiha.
Për fitoren në El Classico-n finales së basketbollit nga Real Madrid flet edhe “MARCA”, e cila i dedikon titullin: “Mbretërit janë kthyer”.
Ndërkohë, po për këtë përballje “L’Esportieu” shkruan “Zhgënjim i madh” për situatën në ekipin katalanas.
“L’Equipe” ka në faqen e parë të saj tenistin e talentuar Alcarez, i cili u shpall kampion vetëm disa ditë më parë, ndërkohë që prestigjiozja franceze mban titullin “Alcarez, oreksi po shtohet”.
“Mirror Sport” i kushton faqen e parë Liverpool-it të Klopp që lufton për kreun e Premier League në javen e fundit të kampionatit, ndërkohë që gazeta e njohur mban titullin “Një këshillë për të kapur kreun”.
Java e fundit ku vendoset scudetto në Itali është në fokus të “La Gazzeta dello Sport”, që mban titullin: “Jepi Milan, kjo do të jetë më e bukura”.
“Inter, Bastoni shpëton Lautaron”, shkruan në faqen e saj të parë “Corriere dello Sport”, me zikaltrit që duket se do të sakrifikojnë mbrojtësin italian në merkaton e ardhshme për të ruajtur balancën financiare. Bastoni kërkohet nga Guardiola, që e shikon mbrojtësin zikaltër perfekt për prapavijën e City-t.
Ndërkohë, e përditshmja torineze “Tuttosport” i kushton faqen e parë Dusan Vlahovic me titullin “E kam Juven brenda meje”. Sulmuesi serb, nuk ka kursyer deklaratat e dashurisë për Juventusin dhe pas sezonit të vështirë që kaloi skuadra e Allegrit.
