Rrugëtimi drejt Tiranës nisi thuajse një vit më parë, me eliminatoret e Conference League, kompeticionit më të ri të UEFA-s, që do të kulmojë pikërisht mbrëmjen e 25 majit në kryeqytetin shqiptar, me finale e madhe Roma-Feyenoord.
Italianët e Jose Mourinhos dhe holandezët e Slot ishin të vetmit që ia dolën të ndjekin deri në fund rrugëtimin dhe të mbërrijnë në “Air Albania”, ku do të përballen në finale e madhe, për të përcaktuar se kush do të jetë skuadra e parë që do të shkruajë emrin në librin e artë të fituesve të Conference League.
“Corriere dello Sport” ka publikuar një video nga Kupa e Conference League, e vendosur në qendër të Tiranës.
“Mega Kupa e vendosur në qendër të Tiranës”, shkruan Corriere.
