Gazetat kryesore sportive kanë vendosur fokusin kryesor tek merkato e klubeve më të mëdha evropiane dhe disa nga emrat më të mëdhenj të futbollit që mund të ndërrojnë klub.
Më poshtë janë disa nga titujt kryesorë sportivë:
“Tchouameni është afër”, shkruan “AS” me mesfushorin e talentuar të Monaco që me të gjitha gjasat do të transferohet tek Real Madrid.
Edhe “Marca” rezervon faqen e parë për të njëjtën temë dhe mban titulli kryesor: “Sprinti final për Tchouameni”.
“SPORT” mban titull kryesor deklaratën djeshme të Robert Lewandowskit, i cili po shtyn gjithnjë e më shumë një transferim tek Barcelona. “Etapa ime tek Bayern ka përfunduar”, u shpreh sulmuesi polak.
“Lufta Bayern-Lewandowski” është titulli kryesor i “Mundo Deportivo”, që gjithashtu flet për situatën e bomberit polak.
“Dil jashtë” është titulli kryesor i ‘L’Esportiu”, e cila paralajmëron revolucion tek Barcelona, me një numër të madh largimesh që pritet të ndodhin tek katalanasit.
“Zbritja nga Kaosi”, është titulli kryesor i “L’Equipe”, e cila ka në fokus sfidën e mbijetesës të fituar nga Auxerre ndaj Saint Ettiene, e cila dhuroi dhe shfaqje të shëmtuara pasi tifozët zbritën në fushë dhe shkaktuan përplasje dhe trazira.
“Dreqin! Tani Klopp e kopjon”, është titulli i “Mirror Sport”, e cila vë fokusin tek debati për finalen e Champions League dhe organizimin e keq nga francezët, gjë që solli dhe vonimin e sfidës.
“La Gazzeta dello Sport” rezervon faqen e parë për kalimin e Milanit nën administrimin e fondit RedBird me titullin: “Tymi kuq e zi”
“Corriere dello Sport” i kushton titullin kryesor deklaratës së Marottës për Dybalën që lidhet me një transferim tek Interi. “Duam Dybalan”, pohoi drejtuesi zikaltër.
“Toro, Belotti humb Juric dhe fansat”, është titulli i Tuttosport, me fokusin tek situata brenda klubit të Torinos, ku sulmuesi italian me siguri do të largohet.
