Marklen Haka, 28 vjeç, anëtari i bandës së Niklës ka rënë pre e një tjetër atentati! Dy vite pasi u sulmua me 85 plumba teksa ndodhej në derën e shtëpisë së tij bashkë me hallën Shpresa Basha, Hakën kanë ritentuar ta eliminojnë. Ai ka qenë duke qarkulluar me makinën e tij në hyrje të Niklës në momentin që një person që po ecte në këmbë ka ndaluar dhe ka qëlluar në drejtim të tij. Hakën e ka kapur një plumb në nofull. Edhe pse i plagosur, Haka ka dalë nga makina dhe ka tentuar të largohet nga vendi, por ka rënë në tokë ku dhe është gjetur i mbuluar me gjak.
Anëtari i bandës së Niklës është dërguar tek spitali i Traumës ku po merr ndihmën e nevojshme mjekësore dhe ndodhet jashtë rrezikut për jetën. Marklen Haka u qëllua me 85 plumba nga dy drejtime mbrëmjen e 26 shtatorit në derën e shtëpisë së tij, në vitin 2019. Vetë i riu mbeti i plagosur, ndërsa halla e tij, Shpresa Basha ndërroi jetë si pasojë e plagëve të marra.
Haka erdhi me urgjencë në Spitalin e Traumës ku dhe mori ndihmën e nevojshme mjekësore. Mariglen Haka është një emër mjaft i njohur për drejtësinë shqiptare. Më 13 qershor të vitit 2011, ai është shoqëruar si i dyshuari kryesor për vrasjen e biznesmenit të kromit Nadien Zeneli, në zonën e ish-Bllokut. Shkaku për atentatin dyshohet të ishte bërë fakti që i riu dyshonte se Zeneli i kishte vrarë të vëllanë, Roland Haka, në vitin 2004. Megjithatë Mariglen Haka u lirua muaj më vonë. Ai dënuar edhe në muajin prill 2019 me 1.6 vite burg, por përfitoi ulje dhe në korrik u lirua.
