Ish-kryebashkiaku i Vorës Agim Kajmaku është arrestuar nga policia italiane, pasi është kapur me 20 kilogramë lëndë narkotike e llojit kokainë.
Mediat italiane bëjnë të ditur se Kajmaku është arrestuar më datën 27 maj në një operacion anti-drogë të zhvilluar në zonën e San Benedeto del Tronto në Itali.
Raportohet se ish-kryebashkiaku i Vorës e kishte fshehur drogën në vazo me lule.
Nëse kokaina që u kap nga policia italiane do të hidhej në treg, do të kapte vlerën rreth 1 milion euro.
