Fitorja e Barcelonës në basketboll dhe merkato e klubeve kryesore europiane janë në fokus të mediave më të njohura sportive.
Më poshtë titujt kryesorë të tyre:
“Mbretërit e merkatos” është titulli kryesor i “AS” për Real Madrid që ka bërë përforcime të rëndësishme në skuadër si Rudiger dhe Tchouameni.
“Marca” zbulon një prapaskenë interesante të merkatos ku PSG tentoi t’i rrëmbente Vinicus JR, Realit të Madridit. “PSG i kërkoi Vinicius të mos rinovonte”, është titulli i gazetës spanjolle.
“Raphinha jep OK”, është titulli i “SPORT”, që ka fokusin tek merkato e Barcelonës dhe objektivn e saj brazilian, që luan tek Leeds United.
“Finalistë” është titulli i “Mundo Deportivo”, që i kushton faqen e parë fitores së Barcelonës ndaj Real Madrid në basketboll.
Po për këtë triumf, flet edhe “L’Esportiu” e cila i vendos titullin: “Ata duan ta përsërisin”.
“Mirror Sport” ka titull kryesor “Të përçarë” dhe i referohet situatës tek Manchester United, ku shefi ekzekutiv, Richard Arnold u largua nga klubi duke e quajtur vitin e tij të fundit si një makth të frikshëm.
“L’Equipe” hapet me titullin “Tregtar i lumturisë” për Leon Marchand , i cili u theu një rekord duke u renditur notari i dytë më i shpejtë në histori me kohën 4:04.28,që gjithashtu vendosi një rekord të ri për kampionatin evropian dhe botëror.
“La Gazzeta dello Sport” i kushton faqen e parë merkatos së klubeve italiane dhe në fokus ka Interin me objektivat Dybala-Lukaku. “Po lind Interi me 3 yje” është titulli i gazetës italiane.
Edhe “Corriere dello Sport” ka në fokus merkaton ku flet për sulmuesin e Romës, Tamy Abraham. “Premier League mbi Abraham, Roma e blindon” është titulli kryesor në faqen e parë.
E përditshmja torineze, si zakonisht ka në fokus zhvillimet në shtëpinë e Juventusit. “Pse është kështu Allegri” është titulli kryesor i saj që rrëfimin e drejtorit sportiv bardhezi, Cherubini e ka publikuar në faqen e parë duke zbuluar dhe 4 objekivat e merkatos: Zaniolo, Koulibaly, Di Maria dhe Arnautovic.
