Një tërmet i fuqishëm me magnitudë 6.1 të shkallës Rihter është regjistruar rreth orës 1:24 të mëngjesit rreth 46 kilometra në jugperëndim të qytetit të Khost në Afganistan. Për pasojë kanë mbetur të vrarë të paktën 280 persona dhe janë plagosur qindra të tjerë, rreth 600 persona, raporton BBC.
Thellësia e tërmetit ishte 10 km. Ndërkohë lëkundjet u ndjenë edhe në Pakistan e Indi, raportoi Qendra Sizmologjike Mesdhetare Evropiane. Tërmeti u ndje edhe në kryeqytetin e Afganistanit, Kabul si dhe në kryeqytetin e Pakistanit, Islamabad.
