Detaje të trishta janë zbardhur nga aksidenti i rëndë në Berat këtë të hënë, ku nënë e bir kanë humbur jetën pasi makina me të cili udhëtonin përfundoi në lumë.
Viktima është identifikuar si Klaudia Xhaferi nga Berati, teksa po kthehej së bashku me djalin e saj nga shkolla. Fëmija ka qenë i ulur në sexholino.
Berat/Informacion paraprak
Rreth orës 14:00, në rrugën urbane “Antipatrea”, pranë vendit të quajtur “Ura e re”, shtetasja K. Xh., duke drejtuar mjetin tip “Benz” ka humbur kontrollin dhe ka rënë në lumë.
Për pasojë kanë humbur jetën drejtuesja e mjetit dhe fëmija i saj rreth 6 vjeç.
Grupi hetimor në vendngjarje po kryen veprimet për zbardhjen e shkaqeve të aksidentit.
