Kryeministri britanik Boris Johnson ka habitur me deklaratën e fundit, ndërsa tha se Vladimir Putin nuk do ta kishte sulmuar Ukrainën nëse do të ishte grua.
“Nëse Putini do të ishte një grua, unë me të vërtetë mendoj se nuk do ta bënte. Ai ka nisur një luftë të çmendur dhe dhunë sepse është një ‘maskilist i sëmurë’”- deklaroi Johnson gjatë samitit të G7, ndërsa shtoi se duhet të ketë më shumë gra në pozita drejtuese.
Deklaratat e tij i mbështeti dhe ministri britanik i mbrojtjes, Ben Wallance, i cili tha se Putin vuan nga sindroma e “burrit të vogël”.
“Unë sigurisht mendoj se pikëpamja e Putinit për veten dhe botën është një sindromë e njeriut të vogël, një pamje maskiliste. Ju rrallë e dëgjoni frazën sindroma e gruas së vogël. Gjithmonë dëgjoni sindromën e mashkullit të vogël dhe ai e ka atë”- tha ai.
