Zhaklin Lekatari e ftuar në ‘Studio Live’ në Report Tv është përplasur me pastorin Ylli Doçi, teksa po diskutohej në lidhje nëse janë pro apo kundër abortit. Lekatari tha se një fetus nuk është një bebe, por është një grumbull qelizash. Sipas saj pastori po deformon të vërtetën, pasi ajo në atë që thotë bazohet tek shkenca dhe jo mendimet e saj individuale.
‘Nuk është fëmijë është një grumbull qelizash. Nuk e quaj unë, e quan shkenca. Unë kam mitër, jo ju. Ju nuk keni të drejtë që të flisni, unë kam. Kisha është opsesionuar me fetusin dhe embrionin. Duhet të mendojë për ato fëmijë që janë përdhunuar ndër vite. Kisha do t’i mbajë njerëzit e varfër. Nuk do të lë që të thërrasësh fetusin, bebe. Po deformon të vërtetën pastor. Po flas me argumente shkencore.’- tha Lekatari.
