Merkato, intervistat me sportistë të njohur si dhe zhvillimet e fundit nga bota e sportit kanë qenë në fokusin e gazetave sportive për sot.
Më poshtë disa prej titujve kryesorë të tyre:
“Luks me zbritje” është titulli i “AS” që flet për lojtarë si Suarez, Di Maria, Dembele Januzaj, Pogba, Eriksen, Isco e Dybala, të cilët janë lojtarë të lirë dhe mund të firmosin falas me çdo ekip që i bind ata.
“Sport” mban titullin “Dita D”, ku i referohet Ousmane Dembele, i cili mund të marrë vendimin përfundimtar, nëse do të qëndrojë apo do të largohet nga Barcelona.
“Mundo Deportivo” është flet për situatën e lojtarëve në largim tek Barcelona duke e quajtur “Të pambledhur” me lojtarë si Braithëaite, Pjanic, Umtiti, Riqui Puig etj të cilët ende nuk po gjejnë një destinacion për të ardhmen e tyre.
“Marca” i kushton faqen e parë kombëtares së artë të Spanjës, e drejtuar nga Del Bosque që realizoi një ‘tripletë” duke fituar Euro 2008, Botërorin 2010 dhe Euro 2012. “Ky brez i hoqi komplekset” është titulli i prestigjiozes spanjolle, e cila citon fjalët e Del Bosque.
“Është shumë bukur të luash Kupën e Botës në skenën e artë të lojërave”, është titulli i “L’Esportiu”, e cila i kushton faqen e parë intervistës me Berta Bonaste, drejtoreshë e kampionatit botëror të hokejit në fushë për femra.
“Unë dua të jem i lirë”, është titulli i “L’Equipe”, e cila citon si titull kryesor deklaratën e çiklistit spanjoll, Thibaut Pinot.
“Mirrorsport” mban titullin “Dështim i dyfishtë”, ku tenistët britanikë, Andy Murray dhe Emma Raducanu u eliminuan nga turneu i Ëimbledon në raundin e dytë.
“Lukaku zgjedh numrin 90” është titulli i “Corriere dello Sport”, e cila ka në fokus prezantimin e sulmuesit belg të rikthyer te Interi, pas vetëm 1 sezoni tek Chelsea.
Edhe “Corriere dello Sport” i kushton faqen e parë prezantimit të “Big Rom” tek zikaltërit duke vendosur titull kryesor deklaratën e tij: “Këtu jam në shtëpi”.
“TuttoSport” mban titull kryesor “Juve total”, me intervistën e Administratorit të deleguar të Juventusit, Maurizzio Arrivabene ku rrëfen gjithçka për sezonin e ri dhe premton se skuadra do të jetë e gatshme për të konkurruar në të gjitha kompeticionet.
